ദേവന്മാരും അസുരന്മാരും അമൃതിനായി കടൽ കടയാൻ ഒരുങ്ങി. കടകോൽ മന്ദരപർവ്വതം, കയർ വാസുകി സർപ്പം.പക്ഷേ പർവ്വതത്തിനു താഴെ ഒരു ആധാരവുമില്ല. കടയാൻ തുടങ്ങിയതും മന്ദരം കടലിന്റെ ആഴത്തിലേക്ക് താഴാൻ തുടങ്ങി.അപ്പോൾ വിഷ്ണു വലിയ ആമയുടെ രൂപം ധരിച്ചു, കടലിന്റെ അടിത്തട്ടിൽ ഇറങ്ങി, പർവ്വതത്തെ തന്റെ പുറത്ത് താങ്ങി.ആ പുറത്ത് മന്ദരം കറങ്ങി, മഥനം പൂർത്തിയായി. ആർക്കും താങ്ങാനാവാത്ത ഭാരം വിഷ്ണു താങ്ങും — അതാണ് കൂർമ്മാവതാരം.