સમુદ્ર પર પુલ બંધાતો હતો — વાનરો પર્વત ઉપાડી ઉપાડીને લાવતા હતા. ને એક નાનકડી ખિસકોલીય કંઈક કરતી હતી.એવી માન્યતા છે: ખિસકોલી રેતીમાં આળોટતી, પછી પુલ પર ખંખેરતી. એક વાનરે હસીને હટાવી — તું શું કરી લેવાની?રામે જોયું. ખિસકોલીને હથેળીમાં ઉપાડી: એની રેતી પથ્થરોની તિરાડો પૂરે છે. કામ નાનું, ભાવ મોટો.રામે પ્રેમથી એની પીઠ પંપાળી — ત્રણ લીટા રહી ગયા. કહે છે, ત્યારથી ખિસકોલી રામની છાપ લઈને ફરે છે.
સ્રોત
લોકપરંપરા (વાલ્મીકિ રામાયણમાં નથી; દક્ષિણની રામાયણ-પરંપરામાં મળે છે)